महेन्द्रनगर । बाजुरामा यातायात सेवा बन्द गरिएको छ । अनेरास्ववियुका केन्द्रीय सचिवालय सदस्य तथा सुदूरपश्चिम विश्वविद्यालयका अध्यक्ष चेतन अयडीको हत्या विरोधमा यातायात सेवा बन्द गरिएको हो । घटना भएको एक महिना बिति सक्दा पनि हत्यामा संलग्नलाई कारबाहीको दायरामा नल्याइएको भन्दै अनेरास्ववियुले शनिवार साँझदेखि अनिश्चितकालीन यातायात बन्दको घोषणा गरेको बताइएको छ ।
यातायात बन्द भएसँगै बाजुरामा लामो तथा छोटो दूरीका कुनै पनि सवारीसाधन चलन सकेका छैनन । मङ्सिर ४ गते भएको निर्वाचनका दिन भएको विवादलाई लिएर त्रिवेणी नगरपालिका ७ का अयडीमाथि घरमै कुटपिट गरिए पछि उनको उपचारका क्रममा बयलपाटा अस्पतालमा निधन भएको थियो ।
