महेन्द्रनगर । कञ्चनपुरका परिवार नियोजनको नयाँ साधन ‘सायना प्रेस’ सेवा सुरु भएको छ ।
नेपाल परिवार नियोजन संघ कञ्चनपुरले ‘सायना प्रेस’ नामक परिवार नियोजनको अस्थायी साधनको परिक्षण सेवा सुरु भएको जानकारी दिएको छ । संघका मेडिकल अधिकृत डा. स्मृति अधिकारीले ‘सायना प्रेस’ सुई महिलाका लागि भरपर्दो र सजिलो नयाँ अस्थायी साधन भएको बताउनुभयो । “यो परिवार नियोजनको नयाँ साधन हो, डिपोको विकल्प होईन ,डिपो भन्दा फरक हो ।” उहाँले भन्नुभयो–“ यसको प्रभावकारिता ९९ प्रतिशत छ आफैले पनि यो सुई लगाउन सकिन्छ ।” उहाँले पेट, तिघ्रामा साइना प्रेसको सुई लगाउन सकिने बताउनुभयो ।
