.gif)
बैतडी । बैतडीको शाहीलेकस्थित विरेन्द्र माविको भवन पहिरोको जोखिममा परेको छ । विद्यालयको भवन तलतिर पहिरो खसेकाले विद्यालय भवन पहिरोको जोखिममा परेको हो ।
पहिरोका कारण छात्र शौचालय, प्रशासनिक भवन र पुस्तकालय बढी जोखिममा परेको प्रधानाध्यापककैलाशकुमार कनौजियाले बताए । गएको मंगलबार परेको पानीका कारण खसेको पहिरोले विद्यालय भवन जोखिममा परेको हो ।
पहिरोको जोखिम बढेपछि विद्यार्थीहरुलाई शौचालय प्रयोगमा समस्या आएको छ । शौचालय जाने बाटो पहिरोले भत्काएपछि छात्रहरुलाई समस्या भएको प्रधानाध्यापक कनौजियाले बताए । विद्यालय भवन पहिरोको जोखिममा परेको बिषयमा प्रहरी मुचुल्कासहित जिल्ला प्रशासन कार्यालय, पूर्वाधार विकास कार्यालय र सामाजिक विकास कार्यालयमा जानकारी गराइसकिएको उनले बताए ।
.gif)
कक्षा १२ सम्मको पढाई हुने सो विद्यालयमा अहिले साढे पाँचसय विद्यार्थीहरु अध्ययनरत रहेका छन् ।
