.gif)
महेन्द्रनगर । सुदूरपश्चिम प्रदेश सभाको विशेष अधिवेशन विषयवस्तु नभएपछि साढे दुई मिनेट बसेर सकिएको छ । सभामुख भिम भण्डारीले बैठकमा प्रदेश प्रमुखको कार्यालयबाट प्राप्त पत्र पढेर सुनाउँदै स्थगित गरेका हुन् ।
प्रदेश प्रमुख नजिर मियाँले प्रदेश सभाका एक चौथाइभन्दा बढी सांसदले विशेष अधिवेशन माग गरेपछि बोलाउन पत्राचार गरेको बैठकमा मुख्यमन्त्रीको उपस्थिति नभएपछि नेपाली कांग्रेस र नेकपा एमालेका सांसदहरुले आक्रोश पाखेका छन् ।
सरकारले २९ असारमा प्रदेश सभाको बजेट अधिवेशन अन्त्य गर्न सिफारिस गरेको थियो तर, प्रदेश प्रमुखले पाँच दिनपछि ३ साउनमा अधिवेशन आह्वानसम्बन्धी सिफारिस कार्यान्वयन गरेका थिए भने भोलिपल्ट नै विशेष अधिवेशन आह्वान गरेका थिए ।
