.gif)
बाजुरा । सुदूरपश्चिमको प्रसिद्ध धार्मिक तथा पर्यटकीय गन्तव्य बडिमालिकामा भक्तजनको घुइँचो लागेको छ । हरेक वर्षको भाद्र शुक्ल चतुर्दशी अर्थात जनैपूर्णिमाको अघिल्लो दिन बडिमालिका मन्दिरमा पूजाआजा हुने प्रचलन छ ।
समुद्री सतहदेखि ४ हजार २ सय १६ मिटर उचाइमा रहेको बडिमालिकामा चलिरहेको पुजाआजामा हजारौंको संख्यामा भक्तजनको घुइँचो रहेको छ । त्रिवेणीमा स्नान गरी बडिमालिका माताको दर्शन गर्नाले आफूले इच्छाएका सबै मनोकांक्षा पूरा हुने जनविश्वास हिन्दुू धर्मावलम्बीमा रहिआएको छ ।
भक्तजनहरू आइतबार बिहान बडिमालिका पुजाआजा सकेर फर्किने छन् । बडिमालिकाबाट फर्केर उनीहरू आइतबार साँझ त्रिबेणी नगरपालिकाको नाटेश्वरी पुग्ने छन् । बडिमालिका दर्शन गरिसकेपछि नाटेश्वरी भगवतीको दर्शन गर्नुपुर्न धार्मिक मान्यता रहिआएको छ । रक्षाबन्धनका दिन नाटेश्वरीमा पूजाआजा गरिसकेपछि तीर्थालु आ–आफ्ना गन्तव्यतर्फ फर्किने प्रचलन रहिआएको छ ।
