.gif)
महेन्द्रनगर । कञ्चनपुरमा लगातारको वर्षापछि नदीहरुमा जलस्तर खतराको तह पार गरेको छ ।
वर्षा नरोकिएका कारण नदीमा जलस्तर अझै बढ्न सक्ने अनुमान गरिएकोले नदी तटीय क्षेत्रका बासिन्दालाई सतर्कता र पूर्व तयारी अपनाउन जिल्ला प्रशासन कार्यालय कञ्चनपुरले अनुरोध गरेको छ । लगातारको वर्षापछि महाकाली नदीमा पानीको बहाब उच्च छ । पानीको बहाब बढेपछि शुक्रबार बिहानदेखि शारदा ब्यारेजको पुलमा चारपांग्रे सवारीसाधन आवागमनमा रोक छ । प्रहरीका अनुसार महाकाली नदीमा पानीको बहाब ३ लाख ५१ हजार क्युसेक पुगेको छ । महाकाली नदीले दोधारा चाँदनीको जोगबुढा नदी र कञ्चनपुरको भुजेला खोला थुनेका कारण बस्तीहरु डुबानमा परेका छन ।
