.gif)
महेन्द्रनगर । कञ्चनपुरमा एक घरमा आगलागी हुँदा १५ लाख बढीको क्षति भएको छ । जिल्लाको शुक्लाफाँटा नगरपालिका १ बनसाहमा स्थानीय गणेश पन्तको घरमा मङ्गलवार बिहान ग्यास लिक भएर आगलागी हुँदा १५ लाख बढीको क्षति भएको जिल्ला प्रहरी कार्यालय कञ्चनपुरले जनाएको छ ।
भान्सा कोठामा राखिएको ग्यास लिक भएर एक्कासि आगलागी हुँदा घरमा भएको धनमाल, लुगा कपडा, फर्निचर जलेर नष्ट भएको जिल्ला प्रहरी कार्यालय कञ्चनपुरका प्रवक्ता डिएसपी सागर बोहराले जानकारी दिए ।
दमकल र स्थानीयको सहयोगमा केही घण्टापछि आगो नियन्त्रणमा लिइएको प्रहरीले जनाएको छ । आगलागीबाट मानवीय तथा चौपाया क्षति भने नभएको जनाइएको छ । आगलागीको थप विवरण आउन भने बाँकी रहेको प्रहरीले जनाएको छ ।
