.gif)
काठमाडौं । नेपाली कांग्रेसका केन्द्रीय सदस्य गगन थापाले अहिले आफ्नो प्राथमिकता मन्त्री नभएर महामन्त्री रहेको बताएका छन । वर्तमान सरकार गठनदेखि नै मन्त्री बन्ने चर्चामा रहेका उनले कांग्रेसको १४ औं महाधिवेशनमा महामन्त्री पदको प्रत्याशी बन्ने र आफ्नो ध्यान पार्टी सुदृढ गर्नेतर्फ केन्द्रीत रहेको बताए ।
महामन्त्रीको प्रत्याशीका रूपमा पार्टीको अधिवेशनमा व्यस्त रहेको भन्दै कांग्रेसको रुपान्तरण आफ्नो सरोकार रहेको बताए । ‘म अहिले सम्पूर्णरूपमा महाधिवेशनमा केन्द्रित छु । देशभरका साथीहरूसँग संवादमा रहेको छु । यतिबेला म सरकारमा भन्दा पार्टीमा आफ्नो योगदान बढाउने सोचमा छु ।’ थापाले भने । उनले गठबन्धन सरकारमा मन्त्री बनेका सबैले जनताको हित र राष्ट्रिय आवश्यकतालाई ध्यानमा राखेर काम गर्नुपर्ने बताए ।
