.gif)
कैलाली । नेपाली कांग्रेसकी केन्द्रीय सदस्य आरजु राणा देउवाले कञ्चनपुरबाट चुनाव लड्ने कुरा हल्ला भएको बताएकी छन ।
बिहिबार धनगढीमा पत्रकार सम्मेलन गर्दै राणाले प्रतिनिधि सभाको निर्वाचनमा आफू पुनः कैलाली क्षेत्रनम्बर ५ बाटै उम्मेदवारी दिने बताउँदै अन्य ठाउँबाट चुनाव नलड्ने बताएकी हुन । ‘कञ्चनपुरबाट लड्ने भन्ने कुरा हल्लाहो । म पहिले पनि यहीबाट चुनाव लडेकाले फेरि यहीबाट लड्छु ।’ उनले भनिन– ‘सर्लाहीका साथीहरूले पनि आऊ भन्नुभएको छ । कोहलपुरका साथीहरूले पनि बोलाउनुभएको छ तर मैले ४÷५ वर्षदेखि यही काम गरिरहेकाले कैलालीबाटै उम्मेदवारी दिन्छु ।’
त्यसैगरी उनले गठबन्धन गरेर चुनावमा जाने सम्झौता भएको भन्दै त्यहि अनुसार होमवर्क भइरहेको उनको भनाई थियो ।
