.gif)
महेन्द्रनगर । भारतको तमिलनाडुमा रथयात्राको क्रममा करेन्ट लाग्दा ११ जनाको मृत्यु भएको छ । उक्त घटनामा कयौं श्रद्धालु घाइते भएका छन् उनिहरुलाई नजिकैको अस्पतालमा भर्ना गरिएको छ । सूचना पाएपछि प्रहरीले उद्धारको कार्य सुरु गरेको थियो ।
कालुमेडु मंदिरमा ९४ औं अप्पर गुरुपुजा उत्सव मनाइदै छ । पुजाका लागी मंगलबार राती हिडेका भत्तजनहरुमाथी करेन्ट लागेको हो । प्रधानमन्त्री नरेन्द्र मोदीले यो घटनामा मृत्यु भएकाका परिवारलाई २ लाख रुपैयाँको दरले राहत दिने घोषणा पनि गरेका छन् । यसैगरी घाइतेलाई प्रधानमन्त्री राहत कोषबाट ५०–५० हजार रुपैयाँ दिने पनि मोदीले बताएका छन् ।
त्यसअघि तमिलनाडुका मुख्यमन्त्री एमके स्टालिनले मृतक परिवारलाई ५–५ लाख रपैयाँ दिने घोषणा गरेका थिए ।
बुधबार बिहान तमिलनाडुको तंजाबुरको मन्दिरको रथयात्राको क्रममा हाई भोल्टेजको तारमा छोइँदा ११ जनाको मृत्यु भएको थियो भने १५ जना घाइते भएका थिए ।
