.gif)
महेन्द्रनगर । भाइटीकाका दिन ओखर महत्वपूर्ण मानिन्छ । दिदीबहिनीले दाजुभाइलाई टीका लगाउनुअघि मूलढोकामा ओखर फुटाउने गरिन्छ । त्यसरी ओखर फुटाउँदा दाजुभाइ तथा दिदीबहिनीका बाधा–अड्चन हट्ने जनविश्वास छ ।
भाइटीकामा दिदीबहिनीले आफ्ना दाजुभाइलाई टीका लगाउनुअघि दैलोमा ओखर फुटाउने प्रचलन छ । दिदिबहिनीले दाजुभाइको सबै दुःख, कष्ट, अड्चन नास होस भनेर महासुरको टाउकोका रूपमा ओखर फुटाउने परम्परा रहेको जानकारहरुको बताउँछन । तिहारमा विशेषगरी हाडे ओखर दैलोमा फुटाउन प्रयोग गरिन्छ भने दाँते ओखर भाइमसलामा प्रयोग हुन्छ । स्वास्थ्यका दृष्टिले हो या सांस्कृतिक महत्वले ओखरका अनेक फाइदा छन । तिहारमा त झन ओखरको महत्व धेरै छ ।
