.gif)
कञ्चनपुर । कैलालीमा स्कुल बसको ठक्करबाट एक वृद्धको ज्यान गएको छ । जिल्लाको गोदावरी नगरपालिका–६ खैरानामा रहेको माउन्ट सैपाल स्कुलको से १ क ४४१ नम्बरको बसको ठक्करबाट सोही ठाउँका ६५ वर्षीय बाटुबट्टे आलेमगरको मृत्यु भएको छ ।
शैक्षिक भ्रमणका लागि विद्यार्थी सहित बर्दियातर्फ जाँदै गरेको बसले शनिवार बिहान पूर्वपश्चिम राजमार्गमा पैदलयात्री वृद्धलाई ठक्कर दिएको थियो । बसको ठक्करबाट घाइते वृद्धको सेती प्रादेशिक अस्पतालमा उपचारको क्रममा ज्यान गएको जिल्ला प्रहरी कार्यालय कैलालीले जनाएको छ । बस चालक धनगढी उपमहानगरपालिका–१३ का ३५ वर्षीय खुशीराम चौधरीलाई प्रहरीले नियन्त्रणमा लिएको प्रहरीले जनाए ।
वृद्धको ज्यान गएपछि क्षतिपूर्ति र चालकमाथि कारबाहीको माग गर्दै स्थानीयवासीले पूर्व–पश्चिम राजमार्ग अवरुद्ध गरेका छन । अहिले राजमार्ग खुलिसकेको जिल्ला प्रहरी कार्यालयका प्रहरी नायब उपरीक्षक कुलदीप चन्दले जानकारी दिनुभयो ।
