.gif)
महेन्द्रनगर । कञ्चनपुरमा लागुऔषधसहित ३ जना पक्राउ परेका छन् । मंगलबार साँझ जिल्लाको भिमदत्त नगरपालिका -६ ऐठपुरबाट लागूऔषध सहित ३ जनालाई पक्राउ गरेको छ ।
पक्राउ पर्नेमा सोही ठाउँ बस्ने २१ वर्षीय रबिन्द्र चन्द, १९ वर्षीय दिवस चन्द र १ जना १८ वर्षीया किशोरी रहेका छन् । २६ मिलिग्राम खैरो हेरोईन जस्तो देखिने पदार्थ अवैध लागूऔषधका साथ उनिहरुलाई पक्राउ गरेको प्रहरीले जनाएको छ ।
उक्त ठाउँमा अवैध लागूऔषध कारोबार हुदै गरेको भन्ने विशेष सूचनाको आधारमा लागूऔषध नियन्त्रण ब्यूरो शाखा कार्यालय महेन्द्रनगर र जिल्ला प्रहरी कार्यालय कञ्चनपुरबाट खटिएको प्रहरीले उनीहरुलाई पक्राउ गरेको हो ।
