.gif)
बैतडी । बैतडीमा चितुवाको आक्रमणबाट घाइते भएकि किशोरीलाई डडेल्धुरा रेफर गरिएको छ। जिल्लाको पञ्चेश्वर गाउपालिका–३ बगरेठी मेलडुङरीकी १७ वर्षीया पुजा लोहारलाई घाँस काट्ने क्रममा आज मध्यान्न चितुवाले आक्रमण गरेको थियो ।
चितुवाको आक्रमणबाट घाइते किशोरीको मेलौलीको केशरपुर प्राथमिक स्वास्थ्य केन्द्रमा उपचार सम्भव नभएपछि डडेल्धुरा रेफर गरिएको बैतडीका प्रहरी प्रवक्ता, प्रहरी निरीक्षक योगेश खत्रीले जानकारी दिए ।
टाउकोमा चोटका कारण सिटीस्क्यान गर्न पर्ने भएकाले डडेल्धुरा रेफर गरिएको केशरपुर प्राथमिक स्वास्थ्य केन्द्रले जनाएको छ । घाइते पुजाको अवस्था खतरामुक्त रहेको पनि स्वास्थ्यकर्मीहरुले बताएका छन् ।
चितुवाले पुजामाथि आक्रमण गर्दा संगै घाँस काटिरहेकाहरुले हो–हल्ला गर्दा चितुवा पुजालाई छाडेर भागेको थियो ।
