.gif)
डोटी । डोटीको बडीकेदार गाउँपालिका -१ रुमायल भीरमा अटो दुर्घटना हुँदा एकजनाको मृत्यु भएको छ ।
सहजपुर बोगटान दिपायल सडकखण्डअन्तर्गत रुमायल बीपीनगरबाट खड्यौली आउँदै गरेको सुप्र ०१००१ ह ५४०६ नम्बरको अटो आइतबार राति १० बजेतिर दुर्घटना भएको प्रहरी चौकी खड्यौलीका इन्चार्ज भाष्करदत्त पन्तले जानकारी दिएका छन् ।
दुर्घटनामा बडीकेदार गाउँपालिका-३ की अन्दाजी ५८ वर्षीय कस्तुरी देवी जेठराको घटनास्थलमा मृत्यु भएको प्रहरीले जनाएको छ । अटो चालक बडीकेदार १ का उत्तम बोहरा सामान्य घाइते भइ प्रहरीको नियन्त्रणमा रहेको प्रहरीले जनाएको छ ।
अटो सडकबाट करिब ५० मिटर तल खसेको थियो ।
