.gif)
दार्चुला । दार्चुलाको शैल्यशिखर नगरपालिकामा कार्यरत एक जना कर्मचारी हिजो (आइतवार)देखि सम्पर्कविहीन भएका छन् ।
शैल्यशिखर नगरपालिका वडा नम्बर २ रौतेउडा घर भई हाल सोही वडामा वडा सचिवको जिम्मेवारीमा कार्यरत खेमराज कपाडी सम्पर्कविहीन भएको परिवार स्रोतले जनाएको छ ।
आइतबार बिहान तालिमका लागि डडेल्धुरा जाने भन्दै घरबाट मोटरसाइकलमा हिँडेका कपाडी तालिममा समेत सहभागी नभएका तथा सम्पर्क गर्न खोज्दा अहिलेसम्म सम्पर्कमा समेत नआएका उनका आफन्तले जानकारी दिएका छन् ।
.gif)
कपाडी हिजोदेखि सम्पर्कमा नआएपछि अहिले उनको परिवारले खोजी कार्य सुरु गरेको छ । उनको खोजी कार्य गरिदिन भन्दै परिवारले इलाका प्रहरी कार्यालय गोकुलेश्वर, जिल्ला प्रहरी कार्यालय बैतडी तथा डडेल्धुरा प्रहरीलाई आग्रह गरेको छ ।
