.gif)
दार्चुला । दार्चुलामा महाकालीमा हाम फालेर एक पुरुष बेपत्ता भएका छन् । जिल्लाको सदरमुकाम खलंगास्थित नेपाल—भारत जोड्ने झोलुङ्गे पुलबाट महाकाली नदीमा हाम पहिचान नखुलेका पुरुष बेपत्ता भएका हुन् ।
स्रोतका अनुसार खलंगाबाट भारतीय बजार धारचुला जाँदै गरेका पुरूषबाट भारतीय प्रहरी एसएसबीले पहिचान खुल्ने कागज पत्र मागेको तथा उनको साथमा कुनै किसिमको पहिचान पत्र नभएको भन्दै उनलाई नेपाल फर्काएको थियो । एसएसबीले फर्काएपछि बीच पुलबाटै महाकाली नदीमा हाम फालेर उनि बेपत्ता भएको बताइएको छ ।
एसएसबीले फर्काएको विषयमा कुनै जानकारी नआएको तर हामफालेको घटनापछि प्रहरीले अनुसन्धान गरिरहेको जिल्ला प्रहरी कार्यालय दार्चुलाका प्रवक्ता ज्ञानेन्द्र बहादुर सिंहले बताएका छन् । ।
नदीमा हाम फाल्ने पुरूषको परिचय र कारण खुल्न नसकेको र खोजि कार्य भइरहेको दार्चुला प्रहरीले बताएको छ ।
