.gif)
महेन्द्रनगर । कञ्चनपुरमा अवैध भन्सार छलीका सामान बरामद गरिएको छ ।
जिल्लाको भिमदत्त नगरपालिका-६ सुकाशालबाट अवैध रुपमा भन्सार छली गरी ल्याएका अन्दाजी ३,४६,५६५।–(तिन लाख छयालिस हजार पाँच सय पैसठ्ठी) मूल्य बराबरका चिनी,नरिवल,तेल,सलाई,मिस्री,लेडिज जुत्ता चप्पल,गुड,बिडी, सुर्ती लगायत विभिन्न किसिमका सामान बरामद गरेको प्रहरीले जनाएको छ ।
बिहिवार साँझ गोप्य सूचनाको आधारमा जिल्ला प्रहरी कार्यालय कञ्चनपुरबाट खटिएको प्रहरी टोलीले उल्लेखित सामान बेवारिसे अवस्थामा फेला पारी बरामद गरेको हो ।
बरामद गरिएको उक्त सामान आवश्यक कारबाहीको लागि आज (शुक्रवार) कानुन बमोजिम भन्सार कार्यालय गड्डाचौकी पठाइएको प्रहरीले जनाएको छ ।
