.gif)
कैलाली । कैलालीमा सवारी चेकजाँचमा खटिएका ट्राफिक प्रहरीलाई मोटरसाइकलले ठक्कर दिँदा चालक र ट्राफिक प्रहरी गम्भीर घाइते भएका छन् ।
बिहिवार साँझ धनगढी चौराहामा मापसे परीक्षण र सवारी चेकिङमा खटिएका प्रहरीलाई तीव्र गतिमा आएको मोटरसाइकलले ठक्कर दिएको हो । मोटरसाइकलको ठक्करबाट चेकिङमा खटिएका ट्राफिक प्रहरी जवान अशोक सिंह र मोटरसाइकल चालक धनगढी उपमहानगरपालिका-४ का २६ वर्षीय सुशान्त विष्ट गम्भीर घाइते भएका छन् ।
घाइते दुवै जनाको माया मेट्रो अस्पतालमा उपचार भइरहेको जिल्ला ट्राफिक प्रहरी कार्यालयले जनाएको छ । घटनाबारे थप अनुसन्धान भइरहेको प्रहरीले जनाएको छ ।
