.gif)
बैतडी । बैतडीमा ट्र्याक्टर दुर्घटना मा परि तीन जना घाइते भएका छन् । जिल्लाको मेलौली भगवती मन्दिर नजिक म १ त ७४० नम्बरको ट्र्याक्टर आज बिहान करिब साढे ८ बजेतिर दुर्घटनामा परेको हो ।
मन्दिरको गेट निर्माणका लागि निर्माण सामग्री बोकेर गएको ट्याक्टर उकालोमा पल्टिएर दुर्घटना भएको हो । दुर्घटना मा परि घाइते हुनेमा चालक कैलालीका नारायण चौधरी, कैलालीको घोडाघोडीका भुवन सिंह थापा र बैतडीको दोगडाकेदार-५ का गगन सिंह कार्की रहेका प्रहरीले बताएको छ ।
घाइते तीनै जनाको केशरपुर प्राथमिक स्वास्थ्य केन्द्र मेलौलीमा उपचार भइरहेको जिल्ला प्रहरी कार्यालय बैतडीले जनाएको छ ।
