.gif)
महेन्द्रनगर । कञ्चनपुरमा लागू औषध सहित दुई जना पक्राउ परेका छन् ।
जिल्लाको बेलौरी नगरपालिका-६ बेलौरी बजारको खुला मञ्चबाट ०.३७ ग्राम लागू औषध खैरो हेरोइन जस्तो देखिने धुलो पदार्थ सहित मङ्गलवार राती सोही नगरपालिका-४ का २६ वर्षीय टेक बहादुर चौधरीलाई प्रहरीले पक्राउ गरेको हो । इलाका प्रहरी कार्यालय बेलौरी कञ्चनपुरबाट खटिएको प्रहरी टोलीले चौधरीलाई लागू औषधसहित फेला पारी पक्राउ गरेको प्रहरीले बताएको छ ।
यसैगरि, आज (बुधबार) बिहान बेलौरीबाट लागूऔषधसहित एक भारतीय नागरिक पक्राउ परेका छन् । सोहि जिल्लाको नगरपालिका-७ नकैयाबाट ९.७८ ग्राम लागू औषध खैरो हेरोईन जस्तो देखिने धुलो पदार्थ सहित बुधबार बिहानतिर जिल्ला पिलिभित भगवानपुरी थाना वेहला ग्राम भारत बस्ने ४० वर्षीय महेन्द्र सिंहलाई प्रहरीले पक्राउ गरेको हो ।
इलाका प्रहरी कार्यालय बेलौरी कञ्चनपुरबाट खटिएको प्रहरी टोलीले शङ्का लागी चेकजाँच गर्ने क्रममा महेन्द्रलाई उक्त पदार्थसहित फेला पारी पक्राउ गरेको हो । यस सम्बन्धमा थप अनुसन्धान गरिरहेको प्रहरीले जनाएको छ ।
