.gif)
अछाम । अछाममा जिप दुर्घटना हुँदा एक जनाको मृत्यु भएको छ ।
जिल्लाको मङ्गलसेन नगरपालिका-१३ बस्ती स्थित भित्री सडक खण्डमा बस्तीबाट मङ्गलसेन तर्फ हिँडिरहेको सु.प.प्र.०१००१ ज १३१० नम्बरको जिपको एक्कासि ब्रेक फेल भई दुर्घटना हुँदा एक जनाको मृत्यु भएको हो । मृत्यु हुनेमा सोही ठाउँका ५४ वर्षीय दिल बहादुर थापा रहेका प्रहरीले जनाएको छ ।
जिपमा सवार १२ थिए । ती मध्ये थापाको घटनास्थलमा नै मृत्यु भएको र अन्य सबै जना सकुशल रहेका छन् । जिप चालक भने फरार छन् । फरार रहेका चालकको खोजी गर्नुका साथै दुर्घटनाका सम्बन्धमा आवश्यक अनुसन्धान गरिरहेको प्रहरीले बताएको छ ।
