.gif)
महेन्द्रनगर । मोटरसाइकल दुर्घटनामा परी कञ्चनपुरका प्रहरी जवानको मृत्यु भएको छ । जिल्लाको भीमदत्त नगरपालिका–११ का प्रहरी जवान आकाश सुनारको मोटरसाइकल अनियन्त्रित भइ दुर्घटना हुँदा मृत्यु भएको हो ।
उनी इलाका प्रहरी कार्यालय निजगढ बारामा कार्यरत रहेका थिए । शनिवार बिहान बाराको निजगढ नगरपालिका–८ बाट जितपुरसिमरा उपमहानगरपालिका–१६ काँठगाटतर्फ मोटरसाइकल चोरी गरी लैजाँदै गरेको गोप्य सूचनाका आधारमा खोजतलास गर्दै जाने क्रममा ज १२ प ७१५४ नम्बरको मोटरसाइकल दुर्घटना भएको हो ।
दुर्घटना हुँदा टाउको, अनुहार र शरीरका विभिन्न भागमा चोट लागेर गम्भीर घाइते भएका सुनारको उपचारका क्रममा एलएस न्यूरो अस्पतालमा ज्यान गएको नेपाल प्रहरीले जनाएको छ ।
