.gif)
महेन्द्रनगर । कञ्चनपुरमा लागू औषधसहित दुई जना पक्राउ परेका छन् ।
जिल्लाको बेलौरी नगरपालिका-६ ढक्काचाँदर का २५ वर्षीय उत्तम बुडाल र २८ वर्षीय महेन्द्र बुडाल लाई लागू औषधसहित पक्राउ गरेको प्रहरीले जनाएको छ । उनीहरूलाई सोही ठाउँको बैसाखा पुलस्थित सडकबाट अवैध लागू औषधसहित आइतबार दिउँसो प्रहरीले पक्राउ गरेको हो ।
इलाका प्रहरी कार्यालय बेलौरीबाट खटिएको प्रहरीले भारतबाट नेपालतर्फ आउँदै गरेका दुबै जनालाई २ ग्राम ३५ मिलिग्राम खैरो हेरोइन जस्तो देखिने पदार्थसहित फेला पारी पक्राउ गरेको हो । उनीहरूको साथबाट से.६ प ४३२७ नम्बरको मोटरसाइकल पनि बरामद गरेको छ । यस सम्बन्धमा थप अनुसन्धान भइरहेको प्रहरीले जनाएको छ ।
