.gif)
बैतडी । बैतडीको प्रसिद्ध मेलौली भगवती मन्दिरमा लाग्ने ‘देहीजात’ आजदेखि सुरु भएको छ । हरेक वर्ष कार्तिक शुक्ल चतुर्दशी र पूर्णिमाका दिन लाग्ने जात्रा(देहीजात) आजदेखि सुरु भएको हो ।
राँगाको बलि दिइने यो जात्रा हेर्न नेपाल लगायत सीमावर्ती भारतबाट पनि भक्तजन आउने गरेका छन् । दुई दिनसम्म लाग्ने मेला भोली सम्पन्न हुनेछ । टाढा टाढाका आफन्तबिच भेट हुने भएकाले सामाजिक सद्भावका लागि यो जात्रा निकै महत्त्वपूर्ण रहेको बताइएको छ ।
जात्राको अवसरमा मेलौली नगरपालिकाले दुई दिन सार्वजनिक बिदा समेत दिएको छ । आज र भोली नगर क्षेत्रभित्र सार्वजनिक बिदा रहेको नगरपालिकाले जनाएको छ ।
