.gif)
कैलाली । कैलालीमा लागू औषधसहित बाजुराका एक युवक पक्राउ परेका छन् ।
जिल्लाको धनगढी उपमहानगरपालिका-२ ब्यारेलबाट शुक्रवार दिउँसो अवैध लागू औषधसहित बाजुरा त्रिवेणी नगरपालिका-२ घर भई कैलाली धनगढी उपमहानगरपालिका-१ बस्ने ३० वर्षीय शेखर शाह पक्राउ परेका हुन् । जिल्ला प्रहरी कार्यालय कैलालीबाट खटिएको प्रहरीले उनलाई ब्राउन सुगर १ ग्राम ४ सय मिलिग्राम र नियन्त्रित लागू औषध नाइट्राभेट २८ ट्याब्लेटसहित पक्राउ गरेको हो ।
प्रदेश नम्बर ३-०२ प ३३६२ नम्बरको मोटरसाइकल जाँच गर्ने क्रममा शाहलाई उक्त लागू औषधसहित पक्राउ गरेको प्रहरीले जनाएको छ ।
