.gif)
कैलाली । कैलालीबाट अवैध भन्सार छलीका सामान बरामद गरिएको छ ।
जिल्लाको धनगढी उपमहानगरपालिका—१ बसन्तटोलबाट अवैध रूपमा भारतबाट भन्सार छली गरी ल्याएका अन्दाजी १४ हजार मूल्य बराबरका हरियो केराउ र सिम्ला मिर्च लगायतका सामानहरू बरामद गरेको प्रहरीले जनाएको छ ।
त्यसै गरी, गोदावरी नगरपालिका—५ सरस्वती मा.बि. गेटाबाट अन्दाजी ४० हजार ६ सय मूल्य बराबरको सुर्ती र गुट्खा लगायतका सामानहरू गरी जम्मा अन्दाजी ५४ हजार ६ सय मूल्य बराबरको सामानहरू शुक्रवार बिहान प्रहरी गस्ती टोलीले बेवारिसे अवस्थामा फेला पारी बरामद गरेको हो ।
उक्त सामान आवश्यक प्रक्रिया पुरा गरी नियन्त्रणमा लिएको र यस सम्बन्धमा थप अनुसन्धान भइरहेको प्रहरीले जनाएको छ ।
