.gif)
महेन्द्रनगर
दशैतिहार आईसक्यो,झल्को लाईसक्यो
ऐ परदेशी आउ है गाउँमा........
गायीका विष्णु माझीको यो गीत अहिले चर्चामा छ । गीतमा भनिएझै दशैतिहार नजिकिए संगै रोजगारीका लागि परदेशीहरु गाउँ फर्किन थालेका छन ।
दशैतिहार मनाउनका लागि घर फर्किनेहरुको सिमानाकामा घुईचो लागेको छ । कोरोना महामारीको त्रासकै बिच दशै मनाउन परदेशिएका नेपालीहरु गाउँ फर्किन थालेका छन । दैनिक सयौको संख्यामा नेपाल प्रवेश गरिरहेका उनीहरुको नाकामै स्वास्थ्य परिक्षणको व्यवस्था गरिएको छ । कोरोनाका कारण बन्द भएका भारतसंग जोडिएका सिमानाकामा पुनः चहलपहल बढेको छ ।
कञ्चनपुरको गड्डाचौकी र गौरीफन्टा नाकाबाट दैनिक ४÷५ सय परदेशी गाउँ फर्किरहेका छन । जिल्ला प्रशासन कार्यालय कञ्चनपुरका अनुसार पछिल्लो एक सातामा ८ हजार ४सय ९१ जना नेपाली स्वदेश फर्केका छन । भने केही बाध्यताले दशैको मुख्खैमा परदेशीन लागेका छन । प्रहरीको तथ्याङ्क हेर्ने हो भने पछिल्लो एक सातामा गड्डाचौकी र गौरीपलन्टा नाकाबाट ५ हजार १४२ जना रोजगारीका लागि भारत पसेका छन ।
भारतबाट घर फर्किदैं गरेका नेपालीलाई सहजताका लागि गौरीफन्टा र गड्डाचौकी नाकामा सीमा सहायता कक्ष स्थापना गरिएको छ । प्रहरीले दशैँ, तिहारलाई लक्षित गर्दै सुदूरपश्चिमका विभिन्न स्थानमा नागरिक सहायता कक्षसमेत स्थापना गरेको छ ।
