.png)
.gif)
कोइ सडकमुणि घुम्मान
जि पायो तेइ खनान
कोइ सोफा माइ सिनान
दुद भात मसला चपौनान
कोइ छाडा हुनान
जाइ मन लाग्यो दौड्डान
सुङिसुङि निक्कि ठौर तुर्क्युनान
कोइ भण्या भितर सिनान
सङलाले लड्युनान
गौन लैजाइ औंरा घर ऐतिर हगौनान
लुत्या टोल्या हडिहडि धपौनान
लिली टोमी च्योच्यो बोलौनान
कोइ कोइ कुकुर लै भाति चट्टान
कसै मान्सथाइ पर्थाइ बस भण्णान
मान्स है कुकुरो भाउ बड्यो किरु
कुकुर है मान्सो भाउ घट्यो किरु
कुकुर्यौल होइगै कोइ भण्णान
मन्स्यौल बिगडि कुत्यौल माण्णान
छडूवानको भरौसा कि माण्या
च्यापु च्यापु जड्या लोक्कल छाडि
बिदेशी पल्क्या धेक्दाइ कठस्लाडि
जऽड्या हुन्थ्या काम लगन्थ्या
अच्याल त भुक्क्यानको भाउछ
सडकमणि कट्या गद्यानो नाउछ
स्वागतम् कि ठौर कुकुर धेकि सावधान छ
कि भणौ वफादारन् बटि है रेबिजै डर छ
आहा १अच्याल त अङ्रेजीमाइ लै भुक्दान
निका जाऽता भण्यो रे कानमाइ चड्डान
डरै छ हिट्टाबट्टाइ को कत्ते काट्टान
छडुवानकि चहलपहल बड्डाछे
सडकमणि कुकुर्यौल धेकिन्नाछे
