.png)
.gif)
पल्ला डङाइ झेलिमुणि एक स्याल
वल्ला गाड़का बगड़ अर्खो स्याल
एकले कुकाट मारञ्जा अर्खा कणा बकुद्दान
ओराड़को कुकञ्जा झेलिका उफड्डान
कि भणौ एकका ठड़ा कान हुन्जा
अर्खाको गलो चिरीछ
एक कि कलाऽसुणि औरलै रौंतिनान
खाप तानि तानि कनौटो गद्दान
दिनभरि दुलापसि सिया
रात रात ऐस गद्दान
कुकाइ कुकाइ मान्सनै निन बिगड्डान
बकराऽपठा,कुकुड़ा छौना लचोड्डान
गाड़ रौतिया स्याल गजाल कुकन्या स्याल
अपसकुन निउत्तान तनरो थिकि मरौ
तल्ला मल्ला घराऽगेदा मुठि बाद्दान
मुठि बादि खोलञ्जा थुई थुक्कान
कोइ कोइ बौलिना स्यालैकि जनि
देलिमाइ बसि याऽऽहुऽऽऽऽहु गद्दान
कुकन्या स्यालका सिङ्ङलै फुट्टान
बुडा पखा इसोलै भण्णान
झिक्कै स्याल बस्या को मरन्छ भण्णान
बौलिया स्यालले कट्या नाइ बच्चा
बिगड्या स्याल घोगाऽड़ मास्सान
स्यालका तरासकि धामी खोज्जान
जड्या कुकुर पालि स्याल धपौनान
मर्यो भणि छाड्यो स्याल दौड्डाइ
फर्कि हेद्दान, खाइ पीई मतर्कदान
रात पडन्जा सकि नसकि कुकौनान
स्याल जसा मान्सलै भौत उदुर्कदान
अच्याल त अर्खाइ लै स्याल हुनान
सकिनसकि कनौटो गद्दान
साइबर स्याल तन थाइ भण्णान ।
औघरी हुनान, सड्यो मुर्दा लै खनान
खड्ड्येया गोर्बच्छालै उदिणी चपौनान
पगलिया रेबिज फैलौनान
खनाइ केइन पया
झोपडान पसि धुलो लै चट्टान
खाइखाइ मोटया धेकि
स्याल जति मोटो भयै भण्णान
अनविधि कथनाका स्याल
दुला पसि सिनान भाइर निकलि करौनान
धन्यका स्यालौ
अच्याल त स्यालै जुनि भया मान्सलै हुनान
