.png)
.gif)
ए बुढि नच्कआइ मिटिङ बसौनौ
गठबन्धन गरिबरे दुनियाँ फसौनौ
निर्णय सुइकौनौ नमान्या को छ
पवित्र गठबन्धन नजाण्न्या को छ
छन्चर राणाकी छुट्टी हटौनौ
आइतबार छुट्टि दि गोरा पटौनौ
दुई दिन छुट्टी दि, तेल बचौनौ
गेदानकि आनन्द उधुम मचौनौ
आइस्ता आइस्ता बिक्रम हटौनौ
उनराइ आदेशले इस्वी लगौनौ
दुई दिन और छुट्टी राशन बचौनौ
गरिब गुर्धाकि भोक मेटौनौ
सौबार शिवको पूजा गरौनौ
मारुती माङल व्रत जमौनौ
दुई दिन और छुट्टी फोहोर घटौनौ
समाजसेवाकि बकत बणौनौ
बोबार तसोइ हो बिपै भ्यो बिप्प्या
एकबार छुट्यौनौ काफल टिप्प्या
हप्ताको एकदिन मात्तरै खोल्लौ
दिनभर रातभर तमाख तोल्लौ
चौबिसै घण्टा गेदान पडौनौ
समय हमरो हम क्याइ खडौनौ
