.gif)
महेन्द्रनगर । आगामी असोजमा गण्डकी प्रदेशमा हुने ९ औ राष्ट्रिय खेलकुद प्रतियोगिताको प्रदेश स्तरीय छनौटका आठ खेल कञ्चनपुरमा हुँदै छन । सुदूरपश्चिम प्रदेशका नौ वटै जिल्लाबाट आएका खेलाडीलाई ९ औँ राष्ट्रिय खेलकुद प्रतियोगितामा गराउन कञ्चनपुरमा आठ र कैलालीमा १५ वटा खेल छनौट हुने कञ्चनपुर जिल्ला खेलकुद विकास समितिले जनाएको छ ।
जिल्ला खेलकुद समितिका अध्यक्ष कुवेर खडकाले कञ्चनपुरमा भलिबल, कर्बडी, टेबुलटेनिस, तेकवान्डो, कराँते, फुलकन्ट्याक्ट कराँते, कुस्ती र आईटिस तेकवान्डो खेल हुने बताउनुभयो । प्रतियोगितामा सहभागी हुन नौ सय ७८ खेलाडी पुगेका छन । राष्ट्रिय खेलकुद प्रतियोगिताका लागि कञ्चनपुरबाट ३१ वटा खेलका लागि ४ सय २१ खेलाडी प्रदेशस्तरिय छनौट प्रतियोगितामा प्रतिसप्रर्धा गरिरहेका छन ।
