.gif)
महेन्द्रनगर । कञ्चनपुरको दोधारा चाँदनी नगरपालिकाको आयोजनामा नगरपालिका स्तरीय राष्ट्रपति रनिङ सिल्ड प्रतियोगिता सुरु भएको छ ।
बिहिबार दोधारा चाँदनी–२ स्थित खेलमैदानमा प्रतियोगिताको एक समारोहका बिच दोधारा चाँदनी नगरपालिकाका नगर प्रमुख किशोर कुमार लिम्बुले गर्नुभयो । प्रतियोगिताको उद्घाटन गर्दै नगरप्रमुख लिम्बुले खेलकुद स्वास्थ्य र अनुशासनका लागि महत्वपूर्ण भएकाले खेलकुदको विकास नगरपालिकाको प्राथमिकतामा रहेको बताउनुभयो ।
नगरखेलकुद समितिका अध्यक्ष कर्ह बहादुर थापाले दोधारा चाँदनीका ११ वटा विद्यालयले प्रतियोगितामा सहभागिता जनाएको बताउनुभयो । प्रतियोगितामा भलिबल,दौड,तेक्वान्दो र रिले लगायतका खेलहरुमा विद्यालयहरुले प्रतिस्पर्धा गर्नेछन । प्रतियोगिता तीन दिनसम्म सञ्चालन हुनेछ ।
