.gif)
महेन्द्रनगर । कञ्चनपुरमा बुधबार एकै दिन १२ जनामा कोरोना संक्रमण पुष्टि भएको छ । जिल्ला स्वास्थ्य कार्यालय कञ्चनपुरका अनुसार बेलौरी नगरपालिकामा ९ र गड्डाचौकी नाकामा ३ जनामा संक्रमण देखिएको हो । स्वास्थ्य कार्यालयका अनुसार बुधबार १६५ जनाको परीक्षण गरिएको थियो । बेलौरीमा १६ जनाको परीक्षण गर्दा ९ जनामा संक्रमण देखिएको हो भने गड्डाचौकीमा १४९ जनाको परीक्षण गर्दा ३ जनामा संक्रमण देखिएको हो । कञ्चनपुरमा केही दिनयता संक्रमितको संख्या दिनहुँ बढ्दै गएको छ । हाल जिल्लामा सक्रिय संक्रमितको संख्या २६ पुगेको छ ।
