.gif)
महेन्द्रनगर । कञ्चनपुरमा २१ हजारले कोरोनाविरुद्धको बुस्टर डोज खोप लगाएका छन । जिल्ला स्वास्थ्य कार्यालयका अनुसार माघदेखि हालसम्म भेरोसेल, कोभिसिल्ड, अस्ट्राजेनेका र जोन्सन गरी २१ हजारले बुस्टर डोज लगाइएको हो ।
जसमा भेरोसेल लगाउने ५ हजार ४९९, कोभिसिल्ड लगाउने १४ हजार ६११, अस्ट्राजेनेका लगाउने ८१६ र जोन्सन एन्ड जोन्सन ४७६ गरी २१ हजार ४०२ ले बुस्टर डोजको खोप लगाएका छन । अहिले पनि बुस्टर डोजको खोप अभियान नियमित चलिरहेको छ । सरकारले सुरुमा अग्रपंक्तिमा रहन कर्मचारीलाई बुस्टर डोजको खोप अभियान सुरु गरेको थियो ।
