.png)
.gif)
रातै नीन हराइ गै
दिनकि फाम बिराइ गै
इसो कि भइ हो?
इस्सोइ त कभैन हुन्थ्यो
मराइन होइगै
दिन , दिन झो नाइ
बसा , पर्भात
रात नहुनि भइ
अच्याल मान्सै मन्स्यौल हराइ
धो खोज्जि होइगै
अनार पनार अर्खि धेकिछे
रूबस कुरूपि, कुरूपि झिक अर्खाइ
ब्यानल उठ्याले
डङा कलाऽ ,खोला ढोला ऽ
गहलो होइरैछ
पोर परारै भणौ कि बेलि पोरै
रात बटिहै एक अनकस्सोइ बहलो होइरैछ
चेलाचेलि निशाचर (राताछन्या)होइ
इजाबुवा भाइबैना तरासिन्नारयान
मन्स्यौल भुत्यौल होइगै
मान्सै मसानि होइ बौलिन्नार्यान
उनै पिजास, बीर,बेताल हुँ भणि
उपटिठ्ठ होइ धर्ति हिलौन्नार्यान
नङरा, दड़ा, लठ्ठा उफारि
अनकस्साइ लाग्दारयान
कत्तेइ भुतो आगो धेकौनान
काइ गाज्जोका लुटा धेकिनान
पारे–पारे, हडÞि–हडÞि, चेपुचेपु
रोयो अल्लायो कनौटो सुणिन्नाछ
कनघाणो भयो भणौ, कस्या?
अनकस्सोइ उजालो धेकिन्नाछ
बहलो चेप्दोइ जन्नाछ
उठ्ठ, बोल्ल नसकि परान जन्या हुन्नाछ
मेराइ घर हो कस्या भणौ ?
वल्ला पल्ला घरा
झिक बहरिनाछन
दिन दिनको बहलो पछा पड्डाछ
स्वाँस एक व्यानिल अर्खो
बहतिना मान्स सुइनामाइ हिट्टान
रातैका झो दिनलै अरड़ाट बरड़ात गद्दान
बहलाकि डरले
मुखो पानि मद्दाछ
मौजौ रङोलिन्ना छे
बेलिको बिसरौ भणञ्जा
अर्खाले चेप्दा छ
कि माटी लागि?
दिन दिनको न्या–न्यारोइ होइरैछ
आब त जि हुन्छ ला भायौ!
बेलि त अनकस्सोइ बहलो होइरैछ।
छानछान वानवानका बहला
कसै रोयुनान,कसै हसौनान
कसैका नन्दिना बौल्युनान
कसैका बुडा कमौनान
कसै लडौनान कसै नचौनान
आब त जि हुन्छ ला भायौ
आज त अनकस्सोइ बहलो होइरैछ
