.gif)
महेन्द्रनगर । कैलालीमा श्रीमानमाथी धारिलो हसिया प्रहार गरी हत्या भएको प्रहरीले जनाएको छ । गयराति मोहन्याल गाउँपालिका –१ स्थित राक्सा घर भएकी चुमा कुमारी थापा बुढामगरले ४३ वर्षीया नारायण बुढा मगरको हत्या गरेको कैलाली प्रहरीले जनाएको हो ।
बुढामगरले आइतबार राति धारिलो हतियारको प्रयोग गरेर श्रीमानको हत्या गरेको स्विकार्दै ईलाका प्रहरी कार्यालय पणडौन पुगेकी प्रहरी प्रवक्ता प्रहरी नायव उपरिक्षक वेदप्रकाश जोशीले जानकारी दिए ।
मृतक नारायण बुढा मगरको टाउको र शरीर अलग पारिएको अवस्थामा भेटिएको प्रहरीले जानकारी दिएको छ ।मृतकको मुचुल्का उठाउन र दोषीलाई पक्राउ गर्न जिल्ला प्रहरी कार्यालयबाट घटनास्थलमा प्रहरी टोली खटाइएको जिल्ला प्रहरी कार्यलय कैलालीका प्रवक्ता जोशीले जानकारी दिए ।
रातिको समयमा श्रीमानमाथी एक्लै हतियार प्रहार गरेको वा अरुको पनी संलग्नता रहेको भन्ने थप अनुसन्धान भइरहेको प्रहरीले जनाएको छ ।
