.gif)
महेन्द्रनगर । बझाँँङको जयपृथ्वी नगरपालिकाका एक युवक गरगहना सहित पक्राउ परेका छन् । वडा नम्बर १ पिमी कैलाश निवासी २८ वर्षीय अशोकबहादुर सिंह गरगहना सहित बाँकेको खजुरा गाउँपालिका वडा नम्बर २ एल गाउँ नजिकबाट पक्राउ परेका हुन् ।
उनको झोलाभित्र खान तलासी गर्दा हार, मंगलसुत्र, बाला, दाना, झुम्की, रामलिला, झाला, ब्रासलेट, कानपासा, औँठी, टप, फुली, टुक्राहरु पथ्थर र मालासहित विभिन्न प्रकारका सुनका गहना बरामद गरिएको प्रहरीले जनाएको छ ।
उक्त सुनको तौल ८ सय २ ग्राम ७३ मिलिग्राम रहेको र अन्दाजी ६२ लाख रुपैयाँ बराबरको रहेको जिल्ला प्रहरी कार्यालय बाँकेले जनाएको छ। सिंहले वैशाख ४ गते भारतको बेङ्लोरस्थित सुन पसलबाट चोरी गरेर ल्याएको खुलेको प्रहरीले जनाएको छ।
