.gif)
महेन्द्रनगर । आँखा मानव शरिरको सबैभन्दा संवदेनशील अंग हो । त्यसैले आँखाको उचित हेरचाहको पनि उत्तिकै जरुरी छ । अहिले मोबाइल, टिभी, कम्प्युटर, ल्याप्टप आदिलाई प्रयोग गर्ने क्रम बढ्दो छ । लामो समयसम्म मोबाइल कम्प्युटरमा लगातार काम गर्ने गर्नाले आँखामा समस्या आउँछ । जसले गर्दा आँखा सुक्खा हुनुका साथै आँखा बिझाएजस्तो हुने, आँखा सुख्खा हुने, टाउको पछाडि दुखेजस्तो हुने, आँखा रातो हुने, आँखा थाक्ने जस्ता समस्या सुुरु हुन्छन् ।
कार्यालयमा वा घरैमा पनि कम्प्युटरमा काम गर्ने मानिसले कम्प्युटर र आफ्नो दूरी कति टाढा छ भन्ने कुरा पनि ख्याल गर्नुपर्छ । कम्प्युटरको एङ्गल र आफुनो टाउकोको एङ्गल कति राख्ने अनि कोठामा कति बत्ती बाल्ने वा प्रकाशको व्ययवस्था कस्तो हुने, कोठामा कता एसि अनि पङखा राख्ने जस्ता कुरामा पनि ध्यान दिनुपर्छ ।
२० मिनेटसम्म मोबाइल कम्प्युटरमा लगातार काम गरिरहेपछि कम्तीमा पनि २० सेकेण्डसम्म ३० फिट टाढासम्म हेर्नुपर्छ । आँखाको उपचार तथा उचित हेरचाह गर्नको लागि धुलो, धुवाँ तथा घाममा धेरै नबस्ने, घाममा निस्कदा चश्माको प्रयोग गर्ने, सफा पानीले मुख धुने, चिसो तथा सफा पानीले दिनमा २/३ पटकसम्म चिसो पानीले आँखा धुनुका साथै स्वास्थ्यवर्द्धक खानेकुरामा ध्यान दिनु आवश्यक हुन्छ ।
