.gif)
महेन्द्रनगर । ग्वाल्लेक नागार्जुन समाज कञ्चनपुरले गौरा पर्व २०८१ का अवसरमा भाद्र ११ देखि सञ्चालन गरेको डेउडा कार्यक्रम आज समापन भएको छ । शिवधाममा आयोजित डेउडा कार्यक्रममा सुदूरपश्चिमका विभिन्न डेउडियाहरु सहभागी भएका थिए । उक्त कार्यक्रममा महिला र पुरुषका छुट्टाछुट्टै तथा संयुक्त खेलहरु प्रस्तुत गरिएको थियो । कार्यक्रम समापनका अवसरमा विभिन्न डेउडिया तथा संस्कृतिकर्मीहरुलाई सम्मान तथा पुरस्कार समेत वितरण गरिएको छ ।
समाजका अध्यक्ष परमानन्द जोशीको सभापतित्व तथा जिल्ला समुन्वय समिति प्रमुखको प्रमुख आतिथ्यतामा सम्पन्न कार्यक्रममा ककालु मार्ट महेन्द्रनगरका सञ्चालक जितेन्द्र चन्दद्वारा स्थापना गरिएको ककालु उत्कृष्ट डेउडिया सम्मान २०८१ दोधरा चादनी ५ कञ्चनपुरका गोबिन्ददत्त पन्तलाई प्रदान गरिएको छ । उक्त पुरस्कार साहित्यकार जगदीश ओझाद्वारा प्रदान गरिएको थियो ।
त्यसैगरी डेउडियाहरु मञ्जु गिरी, रामदत्त जोशी ‘बर्ताेला’, गम्भीर चन्दलगायत अन्य थुप्रै डेउडियाहरु सम्मानित भएका छन् । ठाडो खेलका गिदारा विश्राम भट्टलाई पनि सम्मान गरिएको छ ।
