.gif)
महेन्द्रनगर । शुक्रबार पनि नेपाली बजारमा सुनको मूल्य घटेको छ ।
सोमबार सुनको मूल्य प्रतितोला एक सय रुपैयाँ, मंगलबार प्रतितोला तीन सय रुपैयाँ, बुधबार प्रतितोला एक सय रुपैयाँ, बिहीबार प्रतितोला सात सय रुपैयाँ र आज प्रतितोला दुई सय रुपैयाँ घटेको हो । यो पाँच दिनमा सुनको मूल्य प्रतितोला एक हजार चार सय रुपैयाँ घटेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ११ हजार एक सय रुपैयाँ र तेजाबी सुन प्रतितोला एक लाख १० हजार पाँच सय ५० रुपैयाँमा कारोबार भइरहेको छ । बिहीबार छापावाल सुन प्रतितोला एक लाख ११ हजार तीन सय रुपैयाँ र तेजाबी सुन प्रतितोला एक लाख १० हजार सात सय ५० रुपैयाँमा कारोबार भएको थियो ।
त्यसैगरी, शुक्रबार चाँदीको मूल्य पनि घटेको छ । यो मूल्य अघिल्लो दिनको तुलनामा प्रतितोला ५ रुपैयाँ घटेको हो । बिहीबार प्रतितोला १३ सय ८० रुपैयाँमा कारोबार भएको चाँदी शुक्रबार प्रतितोला १३ सय ७५ रुपैयाँमा कारोबार भइरहेको छ ।
