.gif)
महेन्द्रनगर । आज (सोमवार) नेपाली बजारमा सुन चाँदीको मूल्य सामान्य बढेको छ । आइतवार प्रतितोला चार सय रुपैयाँ घटेको सुनको मूल्य आज प्रतितोला एक सय रुपैयाँ बढेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १२ हजार रुपैयाँ र तेजाबी सुन प्रतितोला एक लाख ११ हजार चार सय ५० रुपैयाँमा कारोबार भइरहेको छ । आइतवार छापावाल सुन प्रतितोला एक लाख ११ हजार नौ सय रुपैयाँ र तेजाबी सुन प्रतितोला एक लाख ११ हजार तीन सय ५० रुपैयाँमा कारोबार भएको थियो ।
त्यसैगरी, आज चाँदीको मूल्य पनि बढेको छ । यो मूल्य अघिल्लो दिनको तुलनामा प्रतितोला पाँच रुपैयाँ बढेको हो । शुक्रवार देखि प्रतितोला १३ सय ९५ रुपैयाँमा कारोबार भएको चाँदी सोमवार प्रतितोला १४ सय रुपैयाँमा किनबेच भइरहेको छ ।
