.gif)
महेन्द्रनगर । मङ्गलवार नेपाली बजारमा सुन–चाँदीको मूल्य घटेको छ । सोमवार स्थिर रहेको सुनको मूल्य आज प्रतितोला चार सय रुपैयाँ घटेको हो ।
नेपाल सुनचाँदी व्यवसायी महासङ्घका अनुसार आज छापावाल सुन प्रतितोला एक लाख ११ हजार आठ सय रुपैयाँ र तेजाबी सुन प्रतितोला एक लाख ११ हजार दुई सय ५० रुपैयाँमा कारोबार भइरहेको छ । सोमवार छापावाल सुन प्रतितोला एक लाख १२ हजार दुई सय रुपैयाँ र तेजाबी सुन प्रतितोला एक लाख ११ हजार छ सय ५० रुपैयाँमा कारोबार भएको थियो ।
त्यसैगरी, आज (मङ्गलवार) चाँदीको मूल्य पनि घटेको छ । सोमवारको तुलनामा आज चाँदी प्रतितोला ३० रुपैयाँ घटेको हो । आज चाँदी प्रतितोला १४ सय रुपैयाँमा कारोबार भइरहेको छ । सोमवार चाँदी प्रतितोला १४ सय ३० रुपैयाँमा कारोबार भएको थियो ।
