.gif)
महेन्द्रनगर । नेपाली बजारमा आज (सोमबार) पनि सुन चाँदीको मूल्य बढेको छ । आइतबार प्रतितोला तीन सय रुपैयाँ बढेको सुनको मूल्य आज प्रतितोला एक हजार रुपैयाँ बढेको हो ।
नेपाल सुनचाँदी व्यवसायी महासङ्घका अनुसार आज छापावाल सुन प्रतितोला एक लाख आठ हजार छ सय रुपैयाँ र तेजाबी सुन प्रतितोला एक लाख आठ हजार एक सय रुपैयाँमा कारोबार भइरहेको छ । आइतबार छापावाल सुन प्रतितोला एक लाख सात हजार छ सय रुपैयाँ र तेजाबी सुन प्रतितोला एक लाख सात हजार एक सय रुपैयाँमा कारोबार भएको थियो ।
त्यसै गरी, सोमबार चाँदीको मूल्य पनि बढेको छ । यो मूल्य आइतबारको तुलनामा आज प्रतितोला १५ रुपैयाँ बढेको हो । आइतबार प्रतितोला १३ सय ३० रुपैयाँमा कारोबार भएको चाँदी आज प्रतितोला १३ सय ४५ रुपैयाँमा किनबेच भइरहेको छ ।
