.gif)
महेन्द्रनगर । नेपाली बजारमा आज (बिहिवार) सुन चाँदीको मूल्य बढेको छ । बुधवार प्रतितोला एक सय रुपैयाँ घटेको सुनको मूल्य आज प्रतितोला सात सय रुपैयाँ बढेको हो ।
आज छापावाल सुन प्रतितोला एक लाख नौ हजार पाँच सय रुपैयाँ र तेजाबी सुन प्रतितोला एक लाख नौ हजार रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । महासङ्घका अनुसार बुधवार छापावाल सुन प्रतितोला एक लाख आठ हजार आठ सय रुपैयाँ र तेजाबी सुन प्रतितोला एक लाख आठ हजार तीन सय रुपैयाँमा कारोबार भएको थियो ।
त्यसै गरी, आज चाँदीको मूल्य पनि बढेको छ । बुधवारको तुलनामा आज चाँदी प्रतितोला १० रुपैयाँ बढेको हो । आज चाँदी प्रतितोला १३ सय ५० रुपैयाँमा कारोबार भइरहेको छ भने बुधवार प्रतितोला १३ सय ४० रुपैयाँमा कारोबार भएको थियो ।
