.gif)
महेन्द्रनगर । शुक्रवार नेपाली बजारमा सुनको मूल्य बढेको छ भने चाँदीको मूल्य घटेको छ । बिहीबार प्रतितोला सात सय रुपैयाँ बढेको सुनको मूल्य आज प्रतितोला छ सय रुपैयाँ बढेको हो ।
नेपाल सुनचाँदी व्यवसायी महासङ्घका अनुसार आज छापावाल सुन प्रतितोला एक लाख १० हजार एक सय रुपैयाँ र तेजाबी सुन प्रतितोला एक लाख नौ हजार पाँच सय ५० रुपैयाँमा कारोबार भइरहेको छ भने बिहीबार छापावाल सुन प्रतितोला एक लाख नौ हजार पाँच सय रुपैयाँ र तेजाबी सुन प्रतितोला एक लाख नौ हजार रुपैयाँमा कारोबार भएको थियो ।
त्यसै गरी, शुक्रवार चाँदीको मूल्य भने घटेको छ । बिहीबारको तुलनामा आज चाँदी प्रतितोला ५ रुपैयाँ घटेको हो । बिहीबार प्रतितोला १३ सय ५० रुपैयाँमा कारोबार भएको चाँदी आज प्रतितोला १३ सय ४५ रुपैयाँमा कारोबार भइरहेको छ ।
