.gif)
महेन्द्रनगर । साताको पहिलो कारोबार दिन अर्थात् आइतबार पनि नेपाली बजारमा सुन चाँदीको मूल्य बढेको छ । शुक्रवार प्रतितोला छ सय रुपैयाँ बढेको सुनको मूल्य आज (आइतबार) प्रतितोला दुई हजार नौ सय रुपैयाँ बढेको हो ।
आज छापावाल सुन प्रतितोला एक लाख १३ हजार रुपैयाँ र तेजाबी सुन प्रतितोला एक लाख १२ हजार चार सय ५० रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । महासङ्घका अनुसार शुक्रवार छापावाल सुन प्रतितोला एक लाख १० हजार एक सय रुपैयाँ र तेजाबी सुन प्रतितोला एक लाख नौ हजार पाँच सय ५० रुपैयाँमा कारोबार भएको थियो ।
त्यसै गरी, आज चाँदीको मूल्य पनि बढेको छ । शुक्रवारको तुलनामा आज चाँदी प्रतितोला ४५ रुपैयाँ बढेको हो । शुक्रवार प्रतितोला १३ सय ४५ रुपैयाँमा कारोबार भएको चाँदी आज (आइतबार) प्रतितोला १३ सय ९० रुपैयाँमा कारोबार भइरहेको छ ।
