.gif)
महेन्द्रनगर । नेपाली बजारमा आज (बुधवार) सुनको मूल्य बढेको छ भने चाँदीको मूल्य स्थिर रहेको छ ।
सोमबारदेखि बढ्ने क्रममा रहेको सुनको मूल्यले बुधवार पनि निरन्तरता पाएको हो । मङ्गलवारको तुलनामा आज सुनको मूल्य प्रतितोला तीन सय रूपैयाँ बढेको हो।
नेपाल सुनचाँदी व्यवसायी महासङ्घका अनुसार आज छापावाल सुन प्रतितोला एक लाख १६ हजार पाँच सय रुपैयाँ र तेजाबी सुन प्रतितोला एक लाख १५ हजार नौ सय ५० रुपैयाँमा कारोबार भइरहेको छ । मङ्गलवार छापावाल सुन प्रतितोला एक लाख १६ हजार दुई सय रुपैयाँ र तेजाबी सुन प्रतितोला एक लाख १५ हजार छ सय ५० रुपैयाँमा कारोबार भएको थियो ।
त्यसै गरी, आज चाँदीको मूल्य भने स्थिर रहेको छ । आज चाँदी प्रतितोला एक हजार चार सय ५५ रुपैयाँमा कारोबार भइरहेको छ । मङ्गलवार पनि चाँदी सोही मूल्यमा कारोबार भएको थियो ।
