.gif)
महेन्द्रनगर । नेपाली बजारमा आज (मङ्गलवार) सुनको मूल्यले नयाँ रेकर्ड कायम गर्न सफल भएको छ । लगातार बढिरहेको सुनको मूल्य आज हालसम्मकै उच्च बिन्दुमा पुगेको हो । पछिल्ला दिनहरूको तुलनामा सोमबार पनि सुन उच्च मूल्यमा नै कारोबार भएको थियो । सोमबार प्रतितोला पाँच सय रुपैयाँ बढेको सुनको मूल्य आज प्रतितोला तीन सय रुपैयाँ बढेको हो ।
नेपाल सुनचाँदी व्यवसायी महासङ्घका अनुसार आज छापावाल सुन प्रतितोला एक लाख १७ हजार सात सय रुपैयाँ र तेजाबी सुन प्रतितोला एक लाख १७ हजार एक सय ५० रुपैयाँमा कारोबार भइरहेको छ । सोमबार छापावाल सुन प्रतितोला एक लाख १७ हजार चार सय रुपैयाँ र तेजाबी सुन प्रतितोला एक लाख १६ हजार आठ सय ५० रुपैयाँमा कारोबार भएको थियो ।
यसै गरी, आज चाँदीको मूल्य भने स्थिर रहेको छ । सोमबार प्रतितोला १ हजार पाँच सय रुपैयाँमा कारोबार भएको चाँदी आज पनि सोही मूल्यमा कारोबार भइरहेको छ ।
