.gif)
महेन्द्रनगर । नेपाली बजारमा आज (बुधवार) पनि सुनको मूल्यले नयाँ रेकर्ड कायम गर्न सफल भएको छ ।
लगातार बढिरहेको सुनको मूल्य आज तेस्रो दिन पनि हालसम्मकै उच्च बिन्दुमा पुगेको हो । सोमबार र मङ्गलवार पनि सुनको मूल्य अहिलेसम्मकै उच्च बिन्दुमा पुगेको थियो । अघिल्लो दिन अर्थात् मङ्गलवार को तुलनामा आज सुन प्रतितोला एक हजार छ सय रुपैयाँ बढेको हो ।
नेपाल सुनचाँदी व्यवसायी महासङ्घका अनुसार आज छापावाल सुन प्रतितोला एक लाख १९ हजार तीन सय रुपैयाँ र तेजाबी सुन प्रतितोला एक लाख १८ हजार सात सय ५० रुपैयाँमा कारोबार भइरहेको छ । मङ्गलवार छापावाल सुन प्रतितोला एक लाख १७ हजार सात सय रुपैयाँ र तेजाबी सुन प्रतितोला एक लाख १७ हजार एक सय ५० रुपैयाँमा कारोबार भएको थियो ।
यसै गरी, बुधवार चाँदीको मूल्य पनि बढेको छ । मङ्गलवार को तुलनामा आज चाँदी प्रतितोला २० रुपैयाँले बढेको हो । मङ्गलवार प्रतितोला १ हजार पाँच सय रुपैयाँमा कारोबार भएको चाँदी बुधवार प्रतितोला १ हजार पाँच सय २० रुपैयाँमा कारोबार भइरहेको छ ।
